ക്ഷമിക്കാനുള്ള കൃപയ്ക്കുവേണ്ടിയുള്ള പ്രാര്‍ത്ഥന

മറ്റുള്ളവരുടെ  തെറ്റുകള്‍  നിങ്ങള്‍  ക്ഷമിക്കുമെങ്കില്‍  സ്വര്‍ഗ്ഗസ്ഥനായ  നിങ്ങളുടെ   പിതാവ്  നിങ്ങളോടും  ക്ഷമിക്കുമെന്ന് വാഗ്ദാനം ചെയ്ത  ഈശോയെ , കുരിശില്‍  കിടന്നുകൊണ്ട്  അങ്ങ്  ശത്രുക്കള്‍ക്കുവേണ്ടി  പ്രാര്‍ത്ഥി ക്കുകയും  അവരോട്  ക്ഷമിക്കുകയും  ചെയ്തുവല്ലോ . ക്ഷമാശീലനായ  അങ്ങയെ  അനുകരിച്ചുകൊണ്ട്  എന്നെ  ഉപദ്രവിക്കുന്നവരോട്  ക്ഷമിക്കാനും  ഞാന്‍  ദ്രോഹിച്ചിട്ടുള്ളവരോട്  ക്ഷമ  ചോദിക്കാനുള്ള  കൃപ  തരണമേ . ഞാന്‍  ശത്രുക്കളോട്  ക്ഷമിക്കുകയാണെങ്കില്‍ അവരുടെ  ദ്രോഹങ്ങള്‍ ഒന്നും  എന്നെ  ഏല്‍ക്കുകയില്ലെന്നും ,ശത്രു  തരുന്ന  സഹനം ക്ഷമയോടെ  സ്വീകരിച്ചാല്‍  അത് എനിക്ക്  അനുഗ്രഹവും എതിരാളിയ്ക്ക്  അവ  മാനസാന്തരത്തിന് കാരണവുമായി  തീരുമെന്ന്  ഞാന്‍  വിശ്വസിക്കുന്നു . പ്രത്യേകമായി  ഞാന്‍ ക്ഷമിച്ച്‌  പ്രാര്‍ത്ഥിക്കാന്‍  കടപ്പെട്ടിരിക്കുന്ന ............. ആളെ  സമര്‍പ്പിച്ച്‌  പ്രാര്‍ത്ഥിക്കുന്നു. പരിശുദ്ധാത്മാവിന്‍റെ  ഫലമായ  ക്ഷമയുടെ  അരൂപിയെ  വര്‍ഷിക്കണമേ .  ആമ്മേന്‍
 

(3  സ്വര്‍ഗ്ഗ .  3 നന്മ . 3 ത്രിത്വ)